Mahazane

Seyishelwe Ngemanti


Wate wangilaya Mahazane,
Asingsakwati nekuhaza,
Angsakwati kuhaza ngshaywe ngumoya,
Ngibalekele sihogo,
Sihogo lesibaswa ngumzala,
Sibaswe ngumalume,
Sibaswe nangubabe lombala,
Akhwetelelwe ngumake.

Yabhodla Ingwenyama,
Yabhodla lasondzeta tihlatsi etindlebeni kulabanengi,
Ngababona bajakadvula babange emakhaya,
Babange kuletifudvumele tabonina naboyise,
Ngangena ekhatsi ngadvuma nemdvumo.
Kwahwalala kubo bonkhe, kwasa kimi,
Kwasa kutsi sengtawhlala ngefukamele lomlilo,
Ngiwfukamele ngingeke ngtfole ngelitfuba lekutenya emantini.

Ahamba emalanga,
Kwakhanya kutsi kwami kuhlupheka kusitfunti sami,
Lesitiba lebengiye ngibalekele kuso sishile,
Sishiswe nguwe Mahazane.
Tinyembeti tami ateneli kucisha lelichibi,
Lelichibi lemlilo lobaswe ngetinsimbi.
Labanye basasiva ngetindzaba,
Mine sengicalile ngiyashiwa esihogweni.

Tilo setaba nelikwaya,
Tintjilota liphuma lite liyawtilahla kunina.
Kuhlwe ngicimete kubabe emehlo,
Sichwaga singigege sibe bonkhe sibabambile,
Kimi sesaba lamabhubesi labhodla esiswini sami.
Nguwe Mahazane,
Ushise indlu nelidladla kimi.
Intfokoto yalabanengi itinyembeti kimi.


               B. Dlamini (23/03/2020: 0949).